Zvicra do t’ia faturojë Romës kostot që sistemi i saj shëndetësor ka përballuar për trajtimin e shtetasve italianë të lënduar si pasojë e zjarrit në natën e Vitit të Ri, në resortin e skive Crans-Montana, i cili mori 41 jetë, ka njoftuar zyra qeveritare përgjegjëse për çështjet e sigurimeve shoqërore.
Kërkesa për shpenzimet ka shtuar më tej tensionet në marrëdhëniet mes dy vendeve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryeminsitrja italiane, Giorgia Meloni, e ka quajtur këtë veprim “të turpshëm”, pasi doli lajmi se familjeve të viktimave u ishin dërguar fatura.
Në një deklaratë për Reuters vonë të shtunën, Zyra Federale e Sigurimeve Shoqërore ka konfirmuar planet që Zvicra të rimbursojë paratë e shpenzuara për trajtimin spitalor, por jo nga familjet e viktimave.
Kjo zyrë ka bërë të ditur se sipas marrëveshjeve aktuale midis shteteve anëtare të BE-së dhe Zvicrës, viktimat do të marrin faturë vetëm për qëllime verifikimi, ndërkaq kostot do t’i faturohen “siguruesit përkatës shëndetësor të huaj”.
Një zëdhënës më vonë ka sqaruar se, në rastin e Italisë, kjo do të ishte ministria e Shëndetësisë.
E Meloni ka shkruar në një postim në Facebook se nëse bëhet zyrtare kjo kërkesë, të cilën e ka quajtur të turpshme, Italia do ta refuzojë plotësisht.
Zvicra ka kërkuar më shumë se 100,000 franga zvicerane rimbursim për katër shtetas italianë të trajtuar vetëm për një ditë në spitalin e Sionit pas zjarrit, ka raportuar të shtunën agjencia e lajmeve ANSA, duke cituar ambasadorin italian në Zvicër, Gian Lorenzo Cornado.