-
Përktheu:
Flutura Gashi-Mehmeti
- 11 maj 2026 12:48
- Shpërndaje në:
Presidenti ukrainas, Volodymyr Zelensky, ka thënë se janë pothuajse 20 vende të interesuara të bëjnë marrëveshje me Ukrainën për dronë, dhe se katër marrëveshje tashmë janë nënshkruar.
Që nga shpërthimi i luftës me Iranin në fund të shkurtit, Zelensky ka arritur të shfrytëzojë ekspertizën e Ukrainës në luftën me dronë në një seri marrëveshjesh të suksesshme diplomatike gjatë vizitave në Lindjen e Mesme dhe Evropë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Pothuajse 20 vende janë aktualisht të përfshira në faza të ndryshme: 4 marrëveshje janë nënshkruar tashmë dhe kontratat e para sipas këtyre marrëveshjeve tani janë duke u përgatitur", ka thënë Zelensky në X.
Në prill, Ukraina ka nënshkruar marrëveshje mbrojtjeje dhe dronësh në Gjermani, Norvegji dhe Holandë, pas partneriteteve afatgjata të sigurisë me Arabinë Saudite, Katarin dhe Emiratet e Bashkuara Arabe në fund të marsit.
Ukraina gjithashtu ka nënshkruar marrëveshje muajin e kaluar me presidentin e Azerbajxhanit, Ilham Aliyev, për mbrojtjen dhe energjinë.
Në postimin e tij, Zelensky ka thënë gjithashtu se Ukraina do të nisë bashkëpunimin e sigurisë në kuadër të marrëveshjeve me dronë me një pjesë tjetër të botës, pa specifikuar se cilën.
Ukraina tashmë ka filluar të marrë vëllimin e nevojshëm të karburantit falë marrëveshjeve, ka shtuar Zelensky, pa dhënë hollësi.
Presidenti ukrainas shpreson se diplomacia e tij me dron mund të ndihmojë në sigurimin e marrëveshjeve të furnizimit me energji me shtetet e Lindjes së Mesme, si dhe në tregjet për prodhimet bujqësore të Ukrainës.