Vritet sulmuesi dhe plagosen tre policë në një sulm pranë Ambasadës izraelite në Jordani

Një person i armatosur ka mbetur i vrarë teksa tre policë jordanezë janë plagosur si pasojë e të shtënave me armë zjarri pranë ambasadës izraelite në kryeqytetin Aman, në orët e para të së dielës, ka thënë media shtetërore.

Policia ka qëlluar një person të armatosur i cili kishte sulmuar një patrullë policie në lagjen e pasur Rabiah të kryeqytetit jordanez, njoftoi agjencia shtetërore e lajmeve Petra, duke cituar sigurinë publike, dhe duke shtuar se hetimet ishin në vazhdim, raporton Reuters.

Personi i armatosur, i cili mbante një armë automatike, u ndoq për të paktën një orë para se të futej në qoshe dhe të vritej pak para agimit, sipas një burimi të sigurisë.

Ministri i komunikimit i Jordanisë, Mohamed Momani, e përshkroi rastin si një sulm terrorist që kishte në shënjestër forcat e sigurisë publike në vend. Ai në një deklaratë ka thënë se hetimet për ngjarjen janë duke u zhvilluar.

Policia jordaneze ka rrethuar një zonë pranë ambasadës së kontrolluar nga policia pasi u dëgjuan të shtëna armësh, thanë dëshmitarët. 

Zona është një pikë zjarri për demonstrata të shpeshta kundër Izraelit. 

Mbretëria ka qenë skena e disa prej protestave paqësore më të mëdha në Lindjen e Mesme lidhur me luftën e Izraelit kundër grupit islamik palestinez, Hamasin në Gaza.

Shumë nga 12 milionë qytetarët e Jordanisë janë me origjinë palestineze. Ata ose prindërit e tyre janë dëbuar ose kanë ikur në Jordani në luftimet që shoqëruan krijimin e Izraelit në vitin 1948. Shumë prej tyre kanë lidhje familjare në anën izraelite të lumit Jordan.

Traktati i paqes i Jordanisë i vitit 1994 me Izraelin është i papëlqyeshëm në mesin e shumë qytetarëve që e konsiderojnë normalizimin e marrëdhënieve si tradhti të të drejtave të bashkatdhetarëve të tyre palestinezë.