Senatori amerikan, Lindsey Graham, republikani prej kohësh nga Karolina e Jugut dhe aleat i presidentit Donald Trump, ka vdekur “pas një sëmundjeje të shkurtër dhe të papritur”, ka thënë një zëdhënës i zyrës së tij për CNN.
Graham ka shërbyer në Senatin e Shteteve të Bashkuara për më shumë se dy dekada, duke u bërë i njohur si një mbështetës i fortë i politikës së jashtme dhe i ndërhyrjeve ushtarake në Iran dhe Irak.
Ai ishte gjithashtu një nga zërat kryesorë në mbështetje të palëkundur të SHBA-së për Izraelin dhe Ukrainën.
Karriera e tij politike ishte e lidhur ngushtë me marrëdhëniet e tij me dy figura të rëndësishme të Partisë Republikane: fillimisht me senatorin e ndjerë John McCain nga Arizona dhe më pas me Donald Trumpin, të cilin në fillim e kishte kritikuar, por më vonë u bë një nga këshilltarët dhe mbështetësit e tij më të zëshëm.
Regjistrimet e komunikimeve të shërbimeve të emergjencës, të siguruara dhe të shqyrtuara nga CNN, tregojnë se ekipet e emergjencës iu përgjigjën një thirrjeje për “arrest kardiak” në banesën e Graham të shtunën në mbrëmje.
Ai vdiq pak pasi ishte kthyer nga një vizitë në Ukrainë, një nga shumë vizitat që kishte bërë pas pushtimit rus në vitin 2022.
Edhe
Kongresi miraton masën që qorton veprimet ushtarake të Trumpit në Iran
I zgjedhur për herë të parë në Senatin e SHBA-së në vitin 2002, Graham po kandidonte për një mandat të pestë në zgjedhjet e ndërmjetme që do të mbaheshin këtë vjeshtë. Javën e kaluar ai kishte mbushur 71 vjeç.
Graham e nisi karrierën e tij politike në fillim të viteve 1990, pasi kishte shërbyer si avokat i qytetit dhe i qarkut në Karolinën e Jugut. Para kësaj, ai kishte shërbyer për gjashtë vjet në Forcat Ajrore të Shteteve të Bashkuara si prokuror dhe avokat mbrojtës.
