Komanda Qendrore e SHBA-së (CENTCOM) në një postim në rrjete sociale ka njoftuar se janë shkatërruar disa anije iraniane, përfshirë edhe 16 minalëshuese pranë Ngushticës së Hormuzit. CENTCOM ka postuar edhe video të shkatërrimit të anijeve.
Për përpjekjet për minimin e Ngushticës së Hormuzit ka shkruar edhe presidenti i Shteteve të Bashkuara të Amerikës, Donald Trump. Ai në postimin në “Truth Social” tha se u shkatërruan dhjetë anije minalëshuese.
“Jam i kënaqur të njoftojë se brenda orëve të fundit kemi goditur dhe shkatërruar plotësisht dhjetë varka apo anije joaktive për vendosjen e minave, dhe do të ketë edhe të tjera!” – ka shkruar Trump.
Ai po ashtu ka thënë se do të shkatërrojë çdo anije që tentojë të minojë Ngushticën e Hormuzit.
“Përveç kësaj, ne po përdorim teknologjinë e njëjtë dhe aftësinë e njëjtë të raketave që përdorën kundër trafikantëve të drogës për të eliminuar çdo varkë apo anije që përpiqet të minojë Ngushticën e Hormuzit. Me to do të merremi shpejt dhe me dhunë. KUJDES!” – ka shkruar Trump.
.
Njëmbëdhjetë ditë nga bombardimet SHBA-Izrael në Iran
-
SHBA-ja kryen sulme ndaj objektivave iraniane pas sulmit ndaj një anijeje tregtare
-
Trumpi kërcënon Iranin me “zhdukje nga faqja e dheut”
-
Centcom: SHBA-ja përdori helikopterë për t’i shkatërruar anijet e vogla iraniane
-
Trump thotë se janë goditur shtatë anije të vogla iraniane
-
Trumpi urdhëron sulm ndaj çdo anijeje që vendos mina në Hormuz