Presidenti i SHBA-së, Donald Trump, ka thënë se lufta me Iranin është pranë përfundimit, gjatë një interviste për Fox News.
"E shoh si shumë afër përfundimit”, ka deklaruar Trumpi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeklarata e tij vjen pak ditë pas bllokadës së vendosur ndaj anijeve që hyjnë dhe dalin nga porti i Iranit.
Bllokada është vendosur një ditë pasi dështuan bisedimet ndërmjet SHBA-së dhe Iranit në Islamabad të shtunën.
Ndërkaq, të martën, Trumpi ka deklaruar se brenda dy ditëve mund të ketë sërish bisedime, teksa edhe Pakistani, i cili ka vepruar si ndërmjetës në rundin e parë, ka thënë po ashtu se është duke vazhduar përpjekjet për një takim tjetër.
Trumpi për Papa Leonin: A mund t’i tregojë dikush se Irani ka vrarë 42 mijë protestues të pafajshëm
Presidenti amerikan, Donald Trump, ka rinisur kritikat e tij ndaj Papa Leonit, duke shkruar në mediat sociale gjatë natës se dikush duhet t’i tregojë atij që Irani ka vrarë mbi 40 mijë protestues të pafajshëm e të paarmatosur.
"A mund t'i thotë dikush Papa Leonit se Irani ka vrarë të paktën 42,000 protestues të pafajshëm, plotësisht të paarmatosur, në dy muajt e fundit, dhe se që Irani të ketë një bombë bërthamore është absolutisht e papranueshme”, ka shkruar Trumpi.
Pasi Papa kishte komentuar mbi luftën në Iran, Trumpi u kishte thënë gazetarëve në fillim të këtij muaji se ai "nuk është një tifoz i madh" i Papës amerikan, duke e akuzuar atë se është "I dobët në krim dhe i tmerrshëm për politikën e jashtme".
Ndërkohë, Papa Leoni i është përgjigjur duke thënë se "nuk ka frikë" nga administrata Trump dhe se do të vazhdojë të flasë hapur.