-
Përktheu:
Flutura Gashi-Mehmeti
- 2 prill 2026 07:44
- Shpërndaje në:
Presidenti amerikan, Donald Trump, ka shfrytëzuar një fjalim drejtuar kombit të mërkurën në mbrëmje, për të shpallur luftën njëmujore në Iran një sukses "pranë përfundimit", pavarësisht një konflikti në spirale që ka shkaktuar trazira ekonomike në të gjithë globin dhe ka përçarë aleancat transatlantike.
Por ai ka shtuar se SHBA-ja do ta godasë Iranin "jashtëzakonisht fort".
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë komentet nga Shtëpia e Bardhë, Trumpi ka argumentuar se "udhëtimi i vogël" i SHBA-së drejt Iranit kishte arritur pothuajse "të gjitha objektivat ushtarake të Amerikës", por ofroi pak qartësi se si planifikonte ta qetësonte konfliktin gjatë "dy deri në tre javët" e ardhshme.
"Jemi në prag të përfundimit të kërcënimit të kobshëm të Iranit për Amerikën dhe botën", ka thënë Trumpi në fjalimin 19-minutësh, të mbajtur nga Cross Hall i Shtëpisë së Bardhë.
"Ne i kemi të gjitha kartat. Ata nuk kanë asnjë”, është shprehur ai.
Duke pranuar dhimbjen ekonomike të shkaktuar nga konflikti, ai ka fajësuar veprimet e Iranit për një rritje "afatshkurtër" të çmimeve të gazit teksa ka këmbëngulur se SHBA-ja ishte bërë e pavarur nga ana e energjisë.
Çmimet e naftës u rritën dhe aksionet aziatike u tregtuan më poshtë menjëherë pas fjalimit të Trumpit, i cili bëri pak për të qetësuar shqetësimet e investitorëve për mbylljen e ngushticës së Hormuzit.
Presidenti amerikan përsëriti thirrjen e tij për vendet e tjera për të ndihmuar në sigurimin e pikës së mbylljes globale të naftës.
Irani e ka mbyllur në mënyrë efektive ngushticën që nga fillimi i konfliktit, duke shkaktuar rritjen e çmimeve të naftës. Në SHBA, kostoja e gazit kaloi mesatarisht 4 dollarë për galon për herë të parë që nga viti 2022 këtë javë.
Trumpi nuk ka përmendur një afat të afërt që i vuri Iranit për të hapur ngushticën.
Mes pasigurisë, nafta bruto brent, standardi ndërkombëtar, është rritur me 4.9% në 106.16 dollarë për fuçi, ndërsa ari ka rënë me 2% në 4,718.70 dollarë për ons (1 ons = 28 gram).
Rusia planifikon evakuim të personelit nga termocentrali bërthamor Bushehr në Iran
Rusia planifikon një evakuim masiv të personelit nga termocentrali bërthamor i Bushehrit në Iran, ka bërë të ditur kreu i agjencisë bërthamore ruse Rosatom, Alexei Likhachev.
"Ne po përgatitemi për një valë të fundit dhe të madhe evakuimesh këtë javë, më shumë se 200 persona janë planifikuar të largohen nga vendi i Bushehrit”, ka thënë Likhachev.
Rreth 50 persona do të qëndrojnë në termocentralin bërthamor, ka shtuar ai, për të ruajtur funksionimin e objektit bërthamor pasi nuk mund të lihet pa mbikëqyrje.
Ai ka thënë se janë parë shpërthime vetëm 700 deri në 900 metra larg vendbanimit.
Një sulm i mundshëm në një termocentral bërthamor mund të çojë në një rrjedhje rrezatimi në mjedis.
Një rrjedhje e tillë në Gjirin Persik do të ishte një krizë ekzistenciale për shtetet arabe të Gjirit, të cilat mbështeten në impiantet e shkripëzimit për furnizimin e tyre me ujë.
Termocentrali bërthamor i Bushehrit u ndërtua me ndihmën e Rusisë.
Rosatom ishte në procesin e ndërtimit të dy reaktorëve të rinj në centralin bërthamor kur Shtetet e Bashkuara dhe Izraeli nisën luftën e tyre kundër Iranit më 28 shkurt.
Irani paralajmëron për sulme “më të gjera” pas kërcënimeve të Trumpit
Photo: Associated Press
Irani ka paralajmëruar për sulme "më të gjera" dhe "shkatërruese" në përgjigje të kërcënimit të fundit të presidentit amerikan, DonaldTrump, për të goditur Iranin "jashtëzakonisht fort" gjatë javëve të ardhshme.
Një zëdhënës i ushtrisë së Iranit ka thënë se sulmet SHBA-Izrael ndaj vendit kanë qenë "të parëndësishme", duke pretenduar se të dy vendet kanë informacion "të paplotë" në lidhje me aftësitë dhe pajisjet ushtarake të Teheranit.
Ndërkohë, sekretarja e Jashtme e Mbretërisë së Bashkuar, Yvette Cooper, po mban diskutime mbi rihapjen e Ngushticës së Hormuzit, bashkë me përfaqësues të mbi 30 vendeve të tjera.
Në një fjalim kombëtar të mërkurën në mbrëmje, Trumpi u ka thënë amerikanëve se do ta përfundonte punën "shumë shpejt", pa vendosur ndonjë afat kohor për përfundimin e konfliktit.
Fjalimi i tij ishte kryesisht një përsëritje e asaj që kishte thënë prej ditësh dhe lë shumë pyetje të mëdha pa përgjigje.