Trumpi mbërrin në Japoni në kuadër të turneut të tij në Azi

Presidenti amerikan, Donald Trump, ka mbërritur të hënën në Japoni, ndalesa e radhës në turneun e tij diplomatik në Azi, ku së shpejti do të takohet me perandorin Naruhito. 

Ndërkaq të martën, ai do të takohet me kryeministren e parë femër të Japonisë, Sanae Takaichi.

Në Malajzi, negociatorët tregtarë SHBA-Kinë raportuan përparim të madh në një marrëveshje të mundshme tregtare, duke lehtësuar tensionet para takimit të pritur të Trumpit me udhëheqësin kinez, Xi Jinping këtë javë. 

Trumpi ka thënë se është i hapur për të zgjatur udhëtimin e tij për t'u takuar me udhëheqësin e Koresë së Veriut Kim Jong Un, megjithëse nuk dihet nëse ka plane për bisedime.