-
Përktheu:
Flutura Gashi-Mehmeti
- 14 prill 2026 15:50
- Shpërndaje në:
Qeveria e Spanjës ka miratuar planet për t’u dhënë status ligjor 500,000 migrantëve pa dokumente, duke u lejuar atyre të integrohen zyrtarisht në tregun e punës.
Kryeministri Pedro Sanchez e ka përshkruar vendimin e qeverisë së tij si njëkohësisht “një akt drejtësie” dhe një domosdoshmëri për Spanjën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë një letër drejtuar qytetarëve spanjollë të publikuar në rrjetet sociale, Sanchez, socialist, ka thënë se legalizimi masiv synon “të njohë realitetin e gati gjysmë milioni njerëzve që tashmë janë pjesë e jetës sonë të përditshme”.
Partia konservatore opozitare e Spanjës, Partia Popullore (PP), është zotuar të përpiqet ta bllokojë legalizimin, duke thënë se ai shpërblen migrantët e paligjshëm dhe do të inkurajojë më shumë të vijnë.
Plani i qeverisë do t’u ofrojë migrantëve pa dokumente një leje qëndrimi njëvjeçare, e rinovueshme.
Për të qenë të pranueshëm, aplikantët duhet të dëshmojnë se kanë jetuar tashmë pesë muaj në Spanjë dhe të kenë një dosje penale të pastër. Ata kanë kohë nga 16 prilli deri në fund të qershorit për të aplikuar.
Sanchez ka thënë se migrantët ndihmojnë “në ndërtimin e Spanjës së pasur, të hapur dhe të larmishme që jemi dhe që synojmë të jemi”.
Kryeministri ka shtuar se këta migrantë janë të nevojshëm për të mbajtur ekonominë dhe shërbimet publike në një vend, popullsia e të cilit po plaket. Ai ka thënë gjithashtu se kjo është rruga e duhur për një komb që në të kaluarën ka parë shumë nga qytetarët e vet të emigrojnë në kërkim të mundësive më të mira.
Instituti kërkimor Funcas vlerëson se ka rreth 840,000 migrantë pa dokumente në Spanjë, shumica dërrmuese e të cilëve janë nga Amerika Latine.
Opozita ka thënë se vlerësimet e qeverisë janë të pasakta dhe se rreth një milion migrantë mund të aplikojnë për këtë skemë, ndërsa PP-ja e ka përshkruar planin si një “skandal”.
Nga ana tjetër, Kisha Katolike e ka mbështetur legjislacionin e qeverisë.
Kjo skemë vjen në një kohë kur shumë nga fqinjët evropianë të Spanjës po ashpërsojnë kontrollet mbi emigracionin.
Si qeveritë socialiste ashtu edhe ato të PP-së kanë zbatuar amnisti për migrantët edhe në të kaluarën.
Më e fundit ishte në vitin 2005, kur 577,000 persona morën leje qëndrimi nën një administratë socialiste.