-
Përktheu:
Flutura Gashi-Mehmeti
- 21 janar 2025 20:56
- Shpërndaje në:
Ka shkuar në 76 numri i të vdekurve si pasojë e një zjarri që ka shpërthyer të martën në një hotel, në një vendskijimi të Turqisë.
Të paktën 51 të tjerë janë plagosur pasi zjarri përfshiu hotelin, duke i detyruar mysafirët të hidheshin nga dritaret ose të përpiqeshin të përdornin çarçafët për t’u larguar nga ndërtesa, raporton The Guardian.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZjarri shpërtheu rreth orës 3:30 të mëngjesit të së martës në restorantin e një hoteli 12-katësh, në provincën Bolu, në veri-perëndim të Turqisë.
Ministri i Shëndetësisë, Kemal Memişoğlu, ka thënë se të paktën një nga personat e lënduar është në gjendje të rëndë dhe se 17 të tjerë janë liruar nga spitali.
Autoritetet kanë arrestuar katër persona, përfshirë pronarin e hotelit, si pjesë e një hetimi për shkakun e zjarrit.
Përfaqësuesit e resortit kanë deklaruar se në hotel ndodheshin 238 mysafirë. Dy nga viktimat vdiqën pasi janë hodhur nga ndërtesa në panik, sipas guvernatorit të Bolu, Abdulaziz Aydin.