Rusia ka nisur sulme me raketa dhe dronë në kryeqytetin ukrainas Kiev dhe qytete të tjera gjatë natës, duke vrarë 13 persona, përfshirë një fëmijë 12-vjeçar, duke plagosur disa dhjetëra të tjerë dhe duke dëmtuar rëndë ndërtesat, kanë thënë zyrtarët të enjten.
Në Kiev, kryebashkiaku Vitali Klitschko ka thënë se katër persona, përfshirë fëmijën, kishin vdekur.
Shtatë persona janë vrarë në Odesa dhe në qytetin juglindor të Dnipros, ku sulmet ruse u vunë flakën ndërtesave banesore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKlitschko ka shtuar se 45 banorë të qytetit janë plagosur. Qyteti u sulmua një tjetër herë herët të enjten, ka thënë ai, duke shtuar se një dron, duke fluturuar shumë ulët, është përplasur në një ndërtesë 18-katëshe.
Shërbimet e emergjencës së Ukrainës e çuan numrin e të vdekurve në Kiev në pesë.
Klitschko ka thënë se ekipet e shpëtimit kishin shpëtuar një nënë dhe një fëmijë nga një ndërtesë në një lagje qendrore ku kati përdhes ishte dëmtuar rëndë. Ai ka thënë gjithashtu se mbeturinat e raketave kishin goditur katin e gjashtë të një pallati në lagjen qendrore të Podil.
Klitschko ka njoftuar po ashtu se një zjarr i madh kishte shpërthyer në një ndërtesë në një lagje në veri të kryeqytetit dhe katër punonjës të urgjencës mjekësore janë plagosur, ndërsa mbeturinat kishin rënë në disa vende.
Përpjekjet për t’i dhënë fund luftës në Ukrainë kanë ngecur, pas fillimit të luftës SHBA-Izrael ndaj Iranit më 28 shkurt.
Shkon në 17 numri i të vrarëve nga sulmet e reja ruse mbi Ukrainë
Photo: Associated Press
Rusia ka kryer sulmin e saj më vdekjeprurës deri tani këtë vit ndaj kryeqytetit ukrainas Kiev dhe qyteteve të tjera gjatë natës, duke vrarë të paktën 17 persona, përfshirë një fëmijë 12-vjeçar, dhe duke plagosur dhjetëra të tjerë, në sulme me dronë dhe raketa, kanë thënë zyrtarët të enjten.
Në Rusi, një sulm i madh me dronë nga Ukraina në portin e Detit të Zi, Tuapse, ka lënë të vdekur dy persona, përfshirë një vajzë 14-vjeçare, ka plagosur shtatë të tjerë dhe ka shkaktuar një zjarr të madh, kanë raportuar zyrtarët dhe mediat ruse. Porti është shtëpi e një rafinerie të madhe nafte si dhe një qendër eksporti për naftë, qymyr dhe plehra kimike.
Presidenti ukrainas, Volodymyr Zelensky, ka thënë se nata e së mërkurës po tregonte se Rusia nuk meriton asnjë lehtësim të politikave globale apo heqje sanksionesh, ndërsa rreth 100 persona u plagosën përveç atyre që humbën jetën.
“Nuk mund të ketë normalizim të Rusisë siç është sot. Presioni ndaj Rusisë duhet të funksionojë. Dhe është e rëndësishme të përmbushet çdo premtim për ndihmë ndaj Ukrainës në kohë”, ka shtuar ai.
Moska ka thënë ndërkaq, se kishte kryer një sulm “masiv” ndaj Ukrainës që kishte goditur objektiva energjetike të përdorura nga forcat ukrainase si dhe prodhimin e raketave lundruese dhe dronëve, pa dhënë detaje.