Dy nga rivalët më të fortë politikë të kryeministrit izraelit, Benjamin Netanyahu, kanë njoftuar të dielën se po bashkojnë forcat në një përpjekje për të rrëzuar qeverinë e tij të koalicionit në zgjedhjet e ardhshme, që priten më vonë këtë vit.
Ish-kryeministrat, i djathti Naftali Bennett dhe centralisti Yair Lapid, publikuan deklarata duke njoftuar bashkimin e partive të tyre, “Bennett 2026” dhe “Ka një të ardhme”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne po qëndrojmë këtu së bashku për hir të fëmijëve tanë. Shteti i Izraelit duhet të ndryshojë drejtim”, ka thënë Lapid duke qëndruar krah Bennett në një konferencë të përbashkët për shtyp.
Bennett ndërkaq ka thënë se partia e re do të quhet “Së Bashku” dhe se ai do të jetë lideri i saj.
“Pas 30 vjetësh është koha të ndahemi nga Netanyahu dhe të hapim një kapitull të ri për Izraelin”, ka deklaruar ai.
Që nga mandati i tij i parë në vitet 1990, Netanyahu është bërë një figurë shumë polarizuese brenda dhe jashtë vendit.
Bennett dhe Lapid janë bashkuar edhe më parë, duke i dhënë fund 12 vjetëve të njëpasnjëshme në pushtet të Netanyahut në zgjedhjet e vitit 2021, por më pas formuan një qeveri koalicioni që, me një shumicë të vogël dhe me ndarje të thella për çështje madhore si konflikti izraelito-palestinez, zgjati vetëm rreth 18 muaj.
Koalicioni i tyre përfshiu për herë të parë në historinë e Izraelit një parti nga pakica arabe e vendit – palestinezë nga prejardhja, qytetarë izraelitë, Listën e Bashkuar Arabe (UAL).
Para kësaj, të dy kishin hyrë në qeverinë e koalicionit të vitit 2013, duke lënë jashtë aleatët tradicionalë ultra-ortodoksë të Netanyahut.
Netanyahu, kryeministri më jetëgjatë i Izraelit, është rikthyer në pushtet kur fitoi zgjedhjet e nëntorit 2022 dhe formoi qeverinë më të djathtë në historinë e Izraelit.
Por sulmi i Hamasit në vitin 2023 në jug të Izraelit, që e zhyti Lindjen e Mesme në trazira dhe e përfshiu Izraelin në disa fronte lufte, dëmtoi rëndë kredencialet e sigurisë së Netanyahut, dhe sondazhet që nga ajo kohë parashikojnë se ai mund të humbasë zgjedhjet e ardhshme, që priten deri në fund të tetorit.
Megjithatë, Netanyahu, politikani më dominues izraelit i brezit të tij, ka treguar aftësi të jashtëzakonshme për mbijetesë politike në të kaluarën.
Të dielën, ai publikoi në Telegram një foto të vitit 2021 të Bennett dhe Lapid me kreun e UAL-së, Mansour Abbas.
“Ata e bënë një herë, do ta bëjnë përsëri”, ka shkruar Netanyahu, duke iu referuar koalicionit të tyre të shkurtër të vitit 2021 që përfshinte UAL.
Bennett ka thënë se nuk do të kërkojë më një koalicion me parti arabe dhe përjashtoi dorëzimin e territoreve ndaj armiqve, një referencë e dukshme ndaj synimit të palestinezëve për krijimin e një shteti të pavarur në territoret e pushtuara nga Izraeli.