Qershori – muaji më vdekjeprurës nga sulmet ruse në Ukrainë që nga 2022-ta

Qershori ishte muaji më vdekjeprurës për civilët ukrainas që nga prilli i vitit 2022, kanë thënë të martën Kombet e Bashkuara, duke nënvizuar ndikimin shkatërrues të sulmeve të intensifikuara të Rusisë në qytete larg vijave të frontit.

Misioni i Monitorimit të të Drejtave të Njeriut i OKB-së në Ukrainë (HRMMU) ka thënë se të paktën 293 civilë ukrainas janë vrarë në qershor, duke e çuar numrin e vdekjeve të civilëve për vitin deri më sot në gati 1,400. Kjo është 37% më shumë se e njëjta periudhë e vitit të kaluar dhe më shumë se dyfishi i shifrës për të njëjtën periudhë në vitin 2024.

Kreu i HRMMU-së, Danielle Bell, ka thënë se shifrat e qershorit "tregojnë një trend alarmues përshkallëzues me rritjen e numrit të viktimave civile, të nxitur nga përdorimi intensifikues i armëve të fuqishme që janë veçanërisht vdekjeprurëse kur përdoren në zona urbane me popullsi të dendur".

HRMMU-ja ka shtuar se rritja u nxit kryesisht nga raketat ruse me rreze të gjatë veprimi të lëshuara në ndërtesa banimi në qytete duke përfshirë Dnipro, Odesa dhe kryeqytetin, Kiev.

Viktimat civile nga armët me rreze të gjatë veprimi janë rritur me 60% nga janari në qershor krahasuar me të njëjtën periudhë në vitin 2025, sipas OKB-së.

Edhe Botë 4 muaj më parë Viktimat civile ukrainase u rritën me 26% në vitin 2025

Autoritetet ukrainase kanë qenë të zëshme për vështirësitë e tyre në rrëzimin e raketave balistike ruse, duke u kërkuar aleatëve evropianë ndihmë në forcimin e sistemeve të mbrojtjes nga raketat dhe duke lobuar intensivisht te SHBA-ja për të vazhduar prodhimin e raketave penguese “Patriot”, të afta për të ndaluar raketat balistike të Moskës.

Pasojat njerëzore të sulmeve të pandërprera ruse vazhdojnë të ndihen rëndë në mbarë Ukrainën. 
Sulmet gjatë gjysmës së parë të korrikut kanë vrarë të paktën 240 civilë dhe kanë plagosur 1.904 të tjerë në Ukrainë, sipas një llogaritjeje të CNN-it bazuar në shifrat e autoriteteve vendase.