-
Përktheu:
Blerta Haxhiu
- 27 mars 2026 12:24
- Shpërndaje në:
Hamasi do të duhet të lejojë shkatërrimin e rrjetit të tij të gjerë të tuneleve në Gaza, ndërsa dorëzon armët në mënyrë graduale, sipas një plani çarmatimi të paraqitur nga “Bordi i Paqes” i presidentit amerikan Donald Trump, i cili është parë edhe nga Reuters.
Plani parashikon një afat prej tetë muajsh. Ai fillon me marrjen e kontrollit të sigurisë në Gaza nga një komitet teknokratësh palestinezë i mbështetur nga SHBA-ja, dhe përfundon me tërheqjen e plotë të forcave izraelite, pasi të verifikohet se Gaza nuk ka më armë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoÇarmatimi i Hamasit mbetet një nga pikat më të vështira në negociata për zbatimin e këtij plani dhe për vazhdimin e armëpushimit të tetorit, i cili i dha fund dy viteve luftë intensive. Hamasi ka refuzuar prej kohësh të dorëzojë armët, të cilat besohet se janë ruajtur kryesisht në tunelet nën Gaza.
Teksti i plotë i planit, i raportuar fillimisht nga Al Jazeera, iu dha Reutersit nga dy zyrtarë palestinezë të përfshirë në bisedime.
Plani përbëhet nga dy pjesë: një dokument me 12 pika të titulluar “Hapat për përfundimin e zbatimit të Planit Gjithëpërfshirës të Paqes për Gazën”, dhe një kalendar me pesë faza, gjatë të cilit Hamasi do të dorëzojë armët brenda tetë muajsh.
Dokumenti thekson se të gjitha grupet e armatosura në Gaza, përfshirë edhe organizata si Xhihadi Islamik, do të përfshihen në procesin e çarmatimit. Ky proces do të mbikëqyret nga një trupë teknokratësh palestinezë e quajtur Komiteti Kombëtar për Administrimin e Gazës.
“Gaza do të qeveriset sipas parimit ‘një autoritet, një ligj, një armë’, ku vetëm personat e autorizuar nga ky komitet mund të mbajnë armë, dhe të gjitha grupet e armatosura do të ndalojnë aktivitetet ushtarake”, thuhet në dokument.
Procesi i çarmatimit do të verifikohet nga një komitet i posaçëm për kontrollin e armëve, i cili do të krijohet nga Nickolay Mladenov, i cili është i dërguari kryesor i Bordit të Paqes.
Gjithashtu, dokumenti parashikon që rindërtimi në Gaza do të lejohet vetëm në zonat që shpallen të çmilitarizuara.