Uragani “Milton” hyri në Florida si stuhi e kategorisë së tretë, duke i dhënë goditjen e dytë brenda pak kohëve këtij vendi që u përballë me uraganit “Helene” pak më parë. Uragani goditi qytete me erëra deri 160 kilometra në orë, ndërsa shkaktoi edhe tornado, por Tampa u kursye nga një goditje e drejtpërdrejt, raporton agjencia “AP”.
Stuhia goditi të mërkurën mbrëma në Siesta Key pranë Sarasotas, rreth 112 kilometra në jug të Tampas.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSituata në zonën e Tampas ishte ende mjaft emergjente, pasi në St. Petersburg u regjistrua shi mbi 41 centimetra, duke shtyrë Shërbimin Kombëtar të Motit që të paralajmërojë për vërshime të shpejta atje, si dhe në pjesë tjetra perëndimore e qendrore të Floridas.
Fusha “Tropicana”, që është shtëpi e skuadrës së bejsbollit Tampa Bay Rays në St. Petersburg, u duk se u dëmtua keq. Në video që kanë qarkulluar shihej çatia e arenës duke u shkatërruar. Nuk është e qartë nëse ka pasur dëmtime edhe brenda. Shumë vinça janë rrëzuar nga stuhia, ka thënë shërbimi i motit.
Banorët e St. Petersburg më nuk kanë ujë të pijshëm, sepse është dëmtuar furnizimi me ujë i qytetit.
Stuhia goditi edhe rrjetin energjetik në pjesë të mëdha të Floridas. Më shumë se 3 milionë shtëpi e biznese kanë mbetur pa rrymë që nga enjtja, sipas “po]eroutage.us”, që gjurmon raportet e shërbimeve.
Para se uragani “Milton” të godiste në tokë në Florda, nisën tornadot nëpër pjesë të ndryshme.
Veçanërisht u godit Fort Pierce, ku u shkatërruan shtëpi dhe disa banorë humbën jetën.
“Ne kemi humbur disa jetë”, ka thënë sherifi i qarkut St. Lucie, Keith Pearson për “WPBF News”.
Rreth 125 shtëpi u shkatërruan para se të godiste uragani, shumë prej tyre ishin shtëpi të lëvizshme në komunitetet për të moshuarit, ka thënë Kevin Guthrie, drejtor i Divisionit të Menaxhimit të Emergjencave në Florida.
Rreth 90 minuta pasi goditi në tokë, uragani “Milton” ra në stuhi të kategorisë së dytë.
Por, të enjten herët u ul në stuhi të kategorisë së parë, me shpejtësi maksimale të erërave 135 kilometra në orë dhe ishte rreth 55 kilometra në lindje të Orlandos.
Shirat e dendur pritet të shkaktojnë përmbytje përgjatë lumenjve e liqeneve në Florida.
Uragani pritet të largohet për në Oqeanin Atlantik të enjten.