Presidenti i rrëzuar i Venezuelës, Nicolas Maduro, u ka uruar oficerëve anti-drogë të DEA-s një "natën e mirë" dhe një "Gëzuar Vitin e Ri" teksa po shoqërohej për në një burg të sigurisë së lartë në Neë York të shtunën në mbrëmje.
Maduro ka mbërritur në Shtetet e Bashkuara pasi është kapur së bashku me gruan e tij gjatë një sulmi amerikan me helikopter në Karakas.
Maduro u fotografua duke buzëqeshur dhe duke mbajtur gishtin e madh lart së bashku me dhjetëra agjentë federalë, teksa dukej i prangosur dhe me një kapelë të zezë mbi kokë.
Operacioni i jashtëzakonshëm për kapjen e Maduros është zhvilluar në orët e para të mëngjesit të së shtunës.
Gjatë operacionit, forcat speciale amerikane sulmuan "fortesën e ruajtur mirë" të presidentit venezuelian dhe e kapën atë pasi ushtria amerikane goditi instalimet ushtarake në Karakas.
Maduro dhe Cilia Flores, 69 vjeç, gruaja e tij, janë paditur në Neë York brenda disa orësh nga operacioni, për narkoterrorizëm dhe posedim të mitralozëve.