Kompanitë me sfida edhe pas zgjidhjes së problemit kibernetik

Shërbimet, nga linjat ajrore e deri në kujdesin shëndetësor, u rikthyen të premten, pas një gabimi në një përditësim të softuerit të sigurisë që shkaktoi ndërprerje për orë të tëra të sistemeve kompjuterike në gjithë botën. 

Megjithatë, edhe pas zgjidhjes së problemit, kompanitë po përballen me ngarkesën e fluturimeve të vonuara dhe të anuluara, porosi të humbura, me vonesë në takime mjekësore dhe çështje të tjera që mund të duhen ditë për t'u zgjidhur.

Bizneset gjithashtu përballen me pyetjen se si të shmangin ndërprerjet e ardhshme të shkaktuara nga teknologjia që synon të mbrojë sistemet e tyre. 

Aeroportet gjithashtu kanë raportuar probleme edhe pse kaosi ka marrë fund, pasi mijëra udhëtarë ende po përpiqen të bëjnë zgjidhje për fluturimet e tyre.