Kombet evropiane e kanë "marrë mesazhin" nga presidenti i SHBA-së, Donald Trump, dhe tani po sigurohen që marrëveshjet mbi përdorimin e bazave ushtarake po zbatohen, ka thënë të hënën sekretari i Përgjithshëm i NATO-s, Mark Rutte.
Trumpi ka akuzuar disa vende të NATO-s se nuk kanë bërë mjaftueshëm për të mbështetur Shtetet e Bashkuara në luftën kundër Iranit. Në një shenjë të mëtejshme të pakënaqësisë së tij me aleatët evropianë, SHBA-ja ka njoftuar të premten planet për të tërhequr 5,000 trupa nga Gjermania.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Po, ka pasur njëfarë zhgënjimi nga ana e SHBA-së, por evropianët kanë dëgjuar”, u ka thënë Rutte gazetarëve në një samit të Komunitetit Politik Evropian në Armeni.
"Ata tani po sigurohen që të gjitha marrëveshjet dypalëshe të bazave po zbatohen”, ka shtuar ai.
Spanja, anëtare e NATO-s, ka thënë se bazat ushtarake në territorin e saj nuk mund të përdoren për luftën me Iranin. Por Rutte ka thënë se vendet e tjera të NATO-s si Mali i Zi, Kroacia, Rumania, Portugalia, Greqia, Italia, Britania, Franca dhe Gjermania po zbatojnë kërkesat për përdorimin e bazave dhe mbështetje tjetër logjistike.
Rutte ka thënë gjithashtu se "gjithnjë e më shumë" kombe evropiane po parapozicionojnë asete të tilla minapastrues pranë Gjirit, për të qenë gati për një "fazë tjetër".
Shumë kombe evropiane kanë thënë se janë të gatshme të marrin pjesë në një mision për të ndihmuar në sigurimin e lirisë së lundrimit përmes Ngushticës së Hormuzit, pasi të mbarojë lufta.