Dy zyrtarë amerikanë kanë mbetur të vdekur si pasojë e një aksidenti me veturë, ndërsa ktheheshin nga shkatërrimi i një laboratori klandestin droge në një rajon të ashpër të Meksikës gjatë fundjavës, teksa punonin për CIA-n, sipas një zyrtari amerikan dhe dy personave të tjerë të njohur me çështjen.
Dy hetues meksikanë kanë mbetur gjithashtu të vdekur në aksident, i cili sipas autoriteteve meksikane ndodhi ndërsa zyrtarët po ktheheshin nga një operacion për të shkatërruar laboratorët e drogës të grupeve kriminale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPërfshirja e CIA-s u konfirmua të martën nga një zyrtar amerikan dhe dy persona me njohuri për aksidentin, të cilët kanë folur në kushte anonimiteti për AP-në. Identiteti i dy amerikanëve si oficerë të CIA-s u raportua më parë nga The Washington Post.
Konfirmimi i përfshirjes së CIA-s vjen pas ditësh kontradiktash nga autoritetet meksikane dhe amerikane në lidhje me rolin që luajtën zyrtarët amerikanë në një operacion për të shkatërruar një narko-laborator në Chihuahua veriore.
Mungesa e qartësisë nga autoritetet ringjalli një debat mbi shkallën e përfshirjes së SHBA-së në operacionet e sigurisë meksikane në një moment kur presidentja meksikane, Claudia Sheinbaum, është vënë nën presion të madh nga administrata e presidentit Donald Trump për të goditur kartelet.
Ambasada e SHBA-së ka refuzuar të identifikojë se kush ishin zyrtarët amerikanë ose për cilin entitet të qeverisë amerikane punonin, por ka thënë se zyrtarët po "mbështesnin përpjekjet e autoriteteve të shtetit Chihuahua për të luftuar operacionet e karteleve".
Ndërkaq Sheibaum ka thënë se nuk dinte asgjë për një operacion të përbashkët midis qeverisë së Chihuahua-s dhe SHBA-së, pavarësisht raporteve se ushtria meksikane ishte gjithashtu e përfshirë në bastisjen në laborator.