Bashkimi Evropian arriti të hënën një marrëveshje politike unanime për sanksione të reja ndaj udhëheqësve të Hamasit dhe kolonëve izraelitë, tha përfaqësuesja e Lartë e BE-së për Politikën e Jashtme dhe të Sigurisë, Kaja Kallas, në një konferencë për shtyp pas një takimi të ministrave të jashtëm të BE-së në Bruksel.
Njoftimi vjen pas viteve të bllokimit dhe presionit në rritje të shkaktuar nga luftimet në Gazë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Dhuna dhe ekstremizmi kanë pasoja", tha Kallas gjatë konferencës për shtyp.
Megjithatë, diplomatët e BE-së nuk arritën të bien dakord për veprime më të forta për të ushtruar presion mbi Izraelin, si ndalimi i produkteve nga kolonitë izraelite në Bregun Perëndimor ose pezullimi i një marrëveshjeje kyçe tregtare.
Kallas pranoi se kishte shtete anëtare do të kishin dashur të vendosnin më shumë sanksione.
"Po, është e vërtetë që shumë shtete anëtare duan më shumë, dhe ka gjithashtu shumë shtete anëtare që nuk duan më shumë, kështu që ja ku jemi", tha ajo.
Palestinezët, grupet e të drejtave dhe vëzhguesit ndërkombëtarë kanë paralajmëruar gjithnjë e më shumë për përkeqësimin e dhunës në Bregun Perëndimor, ku palestinezët po përballën me vrasje, zjarrvënie, vandalizim dhe zhvendosje të komuniteteve bujqësore nga vendbanimet e tyre.
Të paktën 40 palestinezë janë vrarë që nga fillimi i vitit nga kolonët izraelit, sipas Zyrës së Kombeve të Bashkuara për Koordinimin e Çështjeve Humanitare.