Arrin në tre numri i të vdekurve pas sulmeve masive me dronë në Moskë

Ukraina ka kryer të martën sulmin më të madh me dronë ndaj rajonit të Moskës, duke lënë të vdekur tre persona dhe duke lënduar 18 të tjerë, sipas autoriteteve ruse.

Si pasojë e sulmit, dy aeroporte në Moskë u mbyllën për shkaqe të sigurisë, së bashku me dy aeroporte të tjera në lindje të qytetit, me një numër të madh fluturimesh drejt Moskës që u anuluan dhe u ripërcaktuan për aeroporte të tjera.

Ndërkohë, Forcat Ajrore të Ukrainës kanë thënë se janë mbrojtur kundër sulmeve me raketa balistike dhe dronë nga Rusia. Autoritetet ukrainase kanë raportuar se të paktën një person ka mbetur i vdekur dhe 18 të tjerë janë lënduar prej sulmeve të njëpasnjëshme të Rusisë.