-
Përktheu:
Flutura Gashi-Mehmeti
- 1 maj 2024 17:10
- Shpërndaje në:
Nga rreth 300 personat që u arrestuan nga oficerët e Departamentit të Policisë së New Yorkut brenda dhe jashtë një ndërtese të Universitetit Kolumbia të mërkurën, shumica e të arrestuarve ishin nga City College, ka thënë John Chell, shefi i patrullës së NYPD-së, gjatë një konference për shtyp me zyrtarët e qytetit.
“Janë 282 arrestime në lidhje me thyerjen e Hamilton Hall, duke përfshirë 173 persona nga City College dhe 109 persona nga Universiteti Columbia”, ka thënë Chell, raporton CNN.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoChell ka shtuar se zyrtarët janë ende duke përcaktuar numrin e saktë të të arrestuarve që nuk ishin të lidhur me të dy universitetet.
Dhjetëra protestues pushtuan ndërtesën e Universitetit të Kolumbias në New York të martën herët, duke barrikaduar hyrjet dhe duke shpalosur një flamur palestinez nga një dritare, në përshkallëzimin e fundit të demonstratave kundër luftës Izrael-Hamas, që janë përhapur në kampuset e kolegjeve në mbarë vendin.
Universiteti ka thënë se demonstratat kanë krijuar përçarje në kampus.
Shumë studentë të Kolumbisë po shkojnë në javën e provimeve përfundimtare, e cila shënon fundin e semestrit të pranverës 2024.