Pas fitores historike në debutim në “FIBA Eurocup Women” ndaj Levhartice Chomutov të Çekisë, Basketbollistet e Peja 03 e kanë pësuar humbjen e dytë rresht.
Të mërkurën mbrëma në “Speiterlinghalle” në Gjermani, KBF Peja u mposht nga skuadra Rutronik Stars Keltern, 93:57.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVendëset e konfirmuan në çerekun e parë se nuk do të kenë telashe për të marrë fitoren nga ky ballafaqim. Dhe fituan me 35 pikë dallim.
Periudha e parë u mbyll 35:9 në të mirë të skuadrës nikoqire, ndërsa çereku i dytë u mbyll 16:14.
Pjesa e dytë nisi me 28 pikë epërsi për Rutronikun, që deri në fund e administroi mirë lojën dhe nuk lejoi befasi.
18:10 u mbyll periudha e tretë, kurse KBF Peja e fitoi dhjetë minutëshin e fundit, 24:23.
Dazia Lawrence ishte më e mira te skuadra pejane në statistika. Ajo i shënoi 14 pikë, dy kërcime e tri asistime.
Kirsty Brown pati 11 pikë, katër kërcime e një asistim, ndërsa kurse Adrienne Williams Godbold i pati 10 pikë, gjashtë kërcime e dy asistime. Nga basketbollistet vendore, pesë pikë i pati Diedona Halitaj, katër i shënoi Arbnore Përquku, kurse Enisa Kamerolli i realizoi dy pikë.
Zaay Green ishte e pandalshme te skuadra gjermane me 15 pikë, 14 kërcime e tri asistime.
Më 16 tetor, KBF Peja kishte pësuar disfatë edhe nga skuadra nga Lituania, 85:69.
Të mërkurën më 29 tetor, KBF Peja 03 në kuadër të Grupit F luan ndaj Levhartice Chomutovit nga ora 19:00, në palestrën “Karagaçi” në Pejë.