Dy grupe biznesi në Michigan i kanë kërkuar presidentit Donald Trump të ndalojë planet për të vendosur tarifa gjithëpërfshirëse prej 25 për qind për automjetet dhe pjesët e importuara.
Sipas tyre, kjo do të çonte në rritje dramatike të çmimeve dhe ndërprerje të zinxhirit të furnizimit, raportoi Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Rritja e kostove do të shkaktonte përçarje të konsiderueshme në të gjithë zinxhirin e furnizimit dhe, ndoshta më e rëndësishmja, do të çonte në rritje të konsiderueshme të çmimeve të kostos së automjeteve për konsumatorët amerikanë”, thanë në një letër Dhoma Rajonale e Detroitit dhe MichAuto, një shoqatë automobilistike.
Sipas këtyre grupeve, kjo do të ndikojë edhe te qytetarët e klasës punëtore.
Tutje është thënë se tarifat do ta dëmtojnë industrinë dhe ekonominë e automjeteve të shtetit, duke vënë në dukje se ka më shumë se një mijë furnizues të automjeteve me bazë në Michigan.