-
Nga:
Nexhat Tovërlani
- 4 janar 2022 17:00
- Shpërndaje në:
Qytetarët e Komunës së Podujevës dhe ata të Obiliqit nuk i kanë përfillur urdhëresat e kryetarëve të tyre për të mos i përdorur mjetet piroteknike në hapësirat publike. Krisma të shumta janë dëgjuar nga këto mjete nëpër vende publike edhe gjatë këtyre ditëve sa kryetarët e dy komunave i kishin ndaluar: nga 22 dhjetori 2021 deri më 3 janar 2022 për Podujevë dhe nga 26 dhjetori 2021 deri më 2 janar 2022 për Obiliq.
KOHA ka kërkuar përgjigje nga zyrtarët e të dyja komunave nga dita e premte e javës së shkuar, për mosrespektimin e këtyre urdhëresave nga ana e qytetarëve, nëse inspektorët kanë bërë kontrolle dhe kanë shqiptuar gjoba, por të njëjtit kanë heshtur.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë urdhëresat e të dy kryetarëve për shkelësit parashiheshin gjoba deri në 100 euro.
“Personat të cilët veprojnë në kundërshtim me dispozitat e kësaj urdhërese do të gjobiten në përputhje me rregullativën ligjore në fuqi...”, thuhej në urdhëresën e kryetarit Shpejtim Bulliqi.
Ndërsa, kryetari i Obiliqit, Xhafer Gashi e kishte specifikuar edhe shumën e gjobës prej 100 eurove për ata persona që veprojnë në kundërshtim me dispozitat e kësaj urdhërese.
Megjithëse, këtyre urdhëresave tashmë u ka skaduar afati, nuk dihet nëse dikush prej shkelësve është gjobitur. Ajo që tashmë dihet, këto urdhëresa nuk janë përfillur fare nga ana e qytetarëve të të dyja komunave.