QMF-ja e re në Fushë-Kosovë pa rrymë – s’ka as gjenerator

Qendra e Mjekësisë Familjare në Fushë-Kosovë, ka ngelur pa energji elektrike të enjten mbrëma.

Siç ka mësuar KOHA, shumë pacientë nuk kanë marrë trajtime në këtë qendër, ndërsa u është thënë të shkojnë në Prishtinë. Ky institucion shëndetësor nuk posedon as gjenerator, ndonëse ishte përuruar vitin e kaluar.

Zëdhënësi i Komunës së Fushë-Kosovës, Ali Topalli, tha për KOHËN se ndërprerja e rrymës ka qenë e shkurtër dhe tash furnizimi është kthyer.