Lulzim Peci, drejtor i KIPRED-it, ka reaguar pas vendimit të SHBA-ve për pezullimin e dialogut strategjik me Kosovën, duke e cilësuar atë si një masë të pritshme pas “politikës së papërgjegjshme” të Vetëvendosjes dhe kryeministrit në detyrë, Albin Kurti, me të cilën, sipas tij, po vallëzon edhe presidentja Vjosa Osmani.
“Ka mbetur të shihet se çfarë do të bëjnë kaloresit e apokalipsit të shtetit të Kosovës, të cilët në mënyrë efektive arritën që t’i dëmtojnë marrëdhëniet e vendit tonë me SHBA-të! Tash mbani ligjërata, shani e njollosni se kush po punon për Serbinë!”, ka shkruar Peci në Facebook.
