Presidentja Vjosa Osmani, ka pritur të martën në takim ambasadorin e Mbretërisë së Bashkuar në Kosovë, Jonathan Hargreaves.
Në njoftimin e lëshuar nga Zyra e Presidentes thuhet se në takim është diskutuar për zhvillimet e fundit politike në vend.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Presidentja shprehu mirënjohjen për mbështetjen e vazhdueshme të Mbretërisë së Bashkuar për Kosovën dhe popullin tonë. Tutje, ajo theksoi përkushtimin e vazhdueshëm të Republikës së Kosovës për të thelluar bashkëpunimin me Mbretërinë e Bashkuar dhe për të hapur kapituj të rinj të partneritetit që kontribuojnë në arritjen e objektivave të përbashkëta”, thuhet në njoftim.
Më tej është bërë e ditur se gjatë bisedës është theksuar edhe rëndësia e ruajtjes së një mjedisi demokratik, ku respektohen mendimet e ndryshme dhe debati publik zhvillohet në mënyrë të përgjegjshme.
“Në këtë kontekst, u theksua se gjuha kërcënuese dhe bullizuese është e papranueshme dhe nuk duhet të ketë vend në diskursin publik”, është thënë më tej në komunikatë.
Ambasadori britanik: Urgjente që Kosova t’i rikthehet stabilitetit politik
Ambasadori i Mbretërisë së Bashkuar në Kosovë, Jonathan Hargreaves, në një takim me presidenten Vjosa Osmani, ka folur për nevojën urgjente që Kosova t’i kthehet stabilitetit politik.
Në një postim në Facebook, ai ka shkruar se kjo do t’i mundësonte vendit përparim në agjendat e brendshme dhe ato ndërkombëtare.
“Sot bisedova me Vjosa Osmani për nevojën urgjente që Kosovës t’i rikthehet stabiliteti politik, në mënyrë që të mundësohet përparimi në agjendat e brendshme dhe ndërkombëtare. Në këtë kohë pasigurie të shtuar politike, një diskutim politik i respektueshëm dhe konstruktiv është jetik për të gjetur një rrugë përpara”, ka shkruar ai në Facebook.
Gjykata Kushtetuese të hënën ka vendosur masë të përkohshme deri më 31 mars lidhur me dekretin e presidentes Vjosa Osmani për shpërndarje të Kuvendit. Deri në këtë datë është ndaluar çdo veprim i Osmanit në drejtim të shpalljes së zgjedhjeve, ndërsa është pezulluar edhe puna e Kuvendit.