Presidentja Vjosa Osmani dhe kryeministri Albin Kurti kanë falënderuar Turqinë për mbështetjen në fushën e politikës së jashtme dhe të mbrojtjes.
Siç kanë njoftuar Presidenca dhe Zyra e Kryeministrit pas takimeve me ministrin e Jashtëm turk, Hakan Fidan, Osmani dhe Kurti kanë shprehur përkushtim për thellim të raporteve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Në takim me ministrin e Jashtëm të Turqisë, Hakan Fidan, e falënderova për miqësinë dhe mbështetjen e shtetit turk për Republikën e Kosovës në çdo etapë e proces. Me ministrin diskutuam për potencialin e bashkëpunimit përfshirë fushën e politikës së jashtme dhe mbrojtjes, si dhe fusha të tjera të interesit të ndërsjellë. Forcimi i partneritetit midis Kosovës dhe Turqisë mbetet përkushtim i përbashkët!”, ka shkruar Osmani në Facebook.
E në njoftimin e Zyrës së Kryeministrit është thënë se Kurti dhe Fidani kanë diskutuar për bashkëpunimin në ekonomi, siguri, mbrojtje dhe integrime euroatlantike.
“Mirënjohës për vizitën dhe bashkëpunimin e afërt të tij, kryeministri i shprehu falënderim të veçantë ministrit Fidan për partneritetin në ngritjen e kapaciteteve të institucioneve të sigurisë dhe mbrojtjes, për rolin kontribuues të Turqisë për paqe në Kosovë dhe rajon përmes misionit të NATO-s, KFOR dhe për mbështetjen e pakushtëzuar të saj në aplikimin e Kosovës në Këshillin e Evropës”, thuhet në njoftim.
