Njësia A3 e Termocentralit Kosova A është rikthyer në operim mëngjesin e së premtes, një ditë pasi Korporata Energjetike e Kosovës njoftoi se kjo njësi ka dalë nga sistemi në mënyrë të paplanifikuar.
KEK-u ka njoftuar se aktualisht njësia A3 është në operim të rregullt dhe gjendja është stabile.
“Rikthimi i njësisë është mundësuar falë reagimit të menjëhershëm dhe angazhimit profesional të stafit të Termocentralit Kosova A, të cilët kanë punuar pandërprerë, përfshirë edhe ndërrimin e tretë. Procesi i startimit ka filluar në orët e para të mëngjesit, ndërsa sinkronizimi me rrjetin është realizuar rreth orës 08:00”, thuhet në njoftim.
