Në zonat përreth liqenit të Ujmanit, ka nisur rrënimi i 11 shtëpive me kërkesë të ndërmarrjes Publike Hidroekonomike “Ibër-Lepenc”, pasi ato gjenden në pronë të kësaj ndërmarrje.
Aksionin e ka konfirmuar për KOHËN kryeshefi ekzekutiv i “Ibër Lepencit”, Faruk Mujka, aksion të cilin ka thënë se po e zhvillon Inspektorati i Ministrisë së Ambientit.
Mujka ka thënë gjithashtu se 11 “pronarëve” u ishte kërkuar që nga 3 korriku t’i lirojnë këto objekte e të heqin gjësendet e tyre.
“Ata nuk e kanë bërë këtë gjë, kështu që ne kemi lajmëruar inspektoratin dhe ata kanë shkuar sot për të kryer punë. Njëherë pritet t’i largojnë të gjitha gjërat nga shtëpitë e mandej t’i rrënojnë ato”, ka thënë Mujka.
Ky aksion po asistohet edhe nga Policia e Kosovës, ka konfirmuar për KOHËN zëvendësdrejtori për rajonin e veriut, Veton Elshani.
Edhe
Nis rrënimi i objekteve pa leje në pronën e “Trepçës” në Mitrovicën e Veriut
Ai ka thënë se aksioni po zhvillohet konkretisht në Zubin Potok ku është planifikuar rrënimi i 11 shtëpive pushimi.
“Sot nga ora 07:00 kemi filluar asistimin e Ibër-Lepencit dhe Ministrisë së Mjedisit dhe Planifikimit Hapësinor. Jemi duke asistuar në vendin e quajtur ‘Plazha e Shqiptarëve’, Zubin-Potok ku është planifikuar të rrënohen 11 shtëpi pushimi (vikendica)”, ka thënë Elshani.
-
Banorë të lagjes “Dardania” marrin urdhëresë për lirim pronash afër xhamisë në ndërtim
-
Vërshohen punimet në urën e re që lidh Mitrovicën
-
Mujka: Nuk është dora e njeriut shkaktare për vërshimin në vendpunishten tek ura mbi Ibër
-
Vërshimi i vendpunishtes së urës mbi Ibër, Policia thotë se s'ka elemente të veprës penale