Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka njoftuar të shtunën se ka nënshkruar vendimin për vazhdimin e masës mbrojtëse për produktet e naftës, me qëllim mbrojtjen e konsumatorëve dhe garantimin e konkurrencës së drejtë në tregun vendor.
Sipas vendimit, çmimet maksimale të lejuara në tregun vendor sipas të dhënave aktuale janë nafta 1.91 euro për litër, ndërsa benzine 1.44 euro për litër.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMarzha tregtare maksimale e lejuar mbetet shitja me shumicë deri në 2 eurocentë për litër e shitja me pakicë deri në 12 eurocentë për litër.
“Vendimi parashikon mbikëqyrje të shtuar nga Inspektorati i Tregut, në bashkëpunim me Doganën e Kosovës dhe Administratën Tatimore, si dhe koordinim me Autoritetin e Konkurrencës”, thuhet në njoftimin e Kusari-Lilës.
Kusari-Lila bëri thirrje te të gjithë operatorët ekonomikë që ta respektojnë vendimin, duke paralajmëruar se çdo shkelje do të trajtohet me masa ndëshkuese, përfshirë edhe ndëshkime retroaktive.
Disa pompa shkelin vendimin e Ministrisë, shesin me çmime përtej kufirit
Photo: Driton Paçarada
Disa pompa të benzinës kanë shkelur vendimin e Ministrisë së Industrisë dhe Tregtisë për marzhën e fitimit me derivate, ka njoftuar ministrja Mimoza Kusari-Lila.
Ajo ka thënë se shkelje ka pasur në rajonin e Pejës, Mitrovicës e të Prishtinës nga disa pompa të benzinës që kanë shitur me çmime përtej 1.91 euro për litër sa ka qenë e caktuar për sot.
Kusari-Lila në Facebook ka bërë të ditur se informatat për këto shkelje janë pranuar nga konsumatorët përmes telefonit. Këto pompa kanë shitur naftën me çmim deri 1.94 euro për litër.
Për parregullsi, ajo ka bërë thirrje që qytetarët të raportojnë në emailin: [email protected] ose në numrin pa pagesë 0800 16 000