Emisari i Bashkimit Evropian për dialogun Kosovë-Serbi, Miroslav Lajçak ka thënë se fokusi i kësaj jave në Bruksel do të jetë te takimi i parë i Komisionit të Përbashkët për personat e zhdukur në luftën e fundit në Kosovë.
Në një postim në Facebook, Lajçaku ka treguar se ditët e para të këtij viti i priti me mision në Shtetet e Bashkuara, ku është njoftuar me zyrtarë të lartë të shtetit, me të cilët ka diskutuar për nevojën për avancim në dialog.
“Misioni im i parë i vitit më çoi në SHBA. Në Uashington, D.C., u angazhova në diskutime të hollësishme me Ndihmës Sekretarin e Shtetit për Çështjet Evropiane dhe Euroaziatike, Jim O’Brien dhe Zëvendës Ndihmës Sekretarin e Shtetit për Ballkanin Perëndimor, Sasha Kasanof. Së bashku, ne u thelluam në sfidat dhe mundësitë gjeopolitike me të cilat përballet rajoni, duke theksuar rëndësinë e bashkëpunimit të vazhdueshëm dhe nevojën për të avancuar në Dialogun e Normalizimit... Përsëri në Bruksel, fokusi i kësaj jave do të jetë tek Personat e Zhdukur me takimin e parë të Komisionit të Përbashkët”, ka shkruar ai.
Lajçaku ka thënë se është takuar edhe me zv.sekretarin e Shtetit, Richard Verma, para vizitës së tij në rajon.
-
BE-ja thotë se dialogu s’është komprometuar pas përfshirjes së Lajçakut në dosjen Epstein
-
BE-ja pret që komisioni i përbashkët të japë kontribut në zbardhjen e fatit të personave të zhdukur
-
Sorenseni për dialogun Kosovë – Serbi: Po bëhet përparim
-
Blakaj: Çështja e personave të zhdukur po trajtohet si politike e jo si humanitare
-
Zyrtari i OKB-së rikonfirmon mbështetjen për dialogun Kosovë-Serbi