Kryeministri në detyrë i Kosovës, Albin Kurti, ka udhëtuar për në New York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara, ka njoftuar të enjten Zyra e Kryeministrit.
Gjatë qëndrimit atje, gjithashtu do të takojë pjesëtarë të komunitetit shqiptar dhe përfaqësues të shoqatave të diasporës.
“Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit tonë në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj”, thuhet në njoftimin.
Java e Nivelit të Lartë e Sesionit të 80-të të Asamblesë së Përgjithshme të OKB-së zgjat një javë.
Në këtë periudhë zhvillohet debati i përgjithshëm, ku liderët botërorë mbajnë fjalimet e tyre, dhe mbahen gjithashtu takime të veçanta të nivelit të lartë.
Në vitet e fundit, programi zakonisht ka qenë nga dita e hënë pas mes-shtatorit deri të premten e asaj jave.
-
Kurti thotë se Kosova ka gatishmëri për bashkëpunim më të afërt me SHBA-në
-
Kurti udhëton drejt Britanisë së Madhe, do të marrë pjesë në Samitin e Procesit të Berlinit
-
Kurti kërkon mbështetje për Kosovën prej ligjvënësve amerikanë
-
SHBA-ja kërkoi ndërrim kursi, Kosova ende pa sinjale për ndryshim
-
Kosova mes takimeve bilaterale në New York, realitetit të masave të BE-së e pezullimit të dialogut nga SHBA-ja