Kryetari i PDK-së, Memli Krasniqi, ka thënë se në takimin me presidenten Vjosa Osmani është bërë e qartë që askush s’mund ta krijojë shumicën e re parlamentare.
Sipas tij kjo do të duhej të ishte e mjaftueshme që Osmani të vinte në konkludim të tillë dhe të vepronte në drejtim të shpalljes së zgjedhjeve.
“Në këtë moment rruga përpara është vetëm shpallja e zgjedhjeve. E bëmë të qartë qëndrimin tonë që përkundër përpjekjeve për të bërë qeveri bashkë me paritë që ishin në opozitë nuk kemi arritur një gjë të tillë dhe imponohet shkuarja drejt zgjedhjeve të parakohshme”, është shprehur Krasniqi.
Ai ka thënë se kryetari i LVV-së Albin Kurti ka kërkuar edhe disa ditë për të provuar nëse mund ta bëjë shumicën.
“Kurti na i ka humbur 8 muaj me manipulim, mashtrim e taktizim dhe tash po i kërkon edhe disa ditë. Ai në mënyrë të kundërligjshme është duke vazhduar të jetë në zyrë. Vetëm zgjatja e kësaj situate është arsyeja themelore sepse as në ëndrrat e tij më të mira ai s’mund ta bëjë shumicën”, ka deklaruar Krasniqi.
“Nëse kemi zgjedhje tash jam i bindur që këto zgjedhje do ta prodhojnë stabilitetin për 5 vjetët e ardhshme”, ka shkruar Krasniqi.
Përfundon takimi i Osmanit me liderët politikë, Kurti s’deklarohet
• Presidentja Vjosa Osmani ka zhvilluar një takim me liderët politikë për të diskutuar lidhur me...-
Krasniqi: Presidentja e ka obligim që sa më parë të shpallë datën e zgjedhjeve
-
Krasniqi: Ato që u thënë në mbledhjen e qeverisë do të bëhen më mirë e më shpejt me një qeveri pa Kurtin
-
Krasniqi: Kurti më nuk do të jetë kryeministër, opozita s’mund ta bëjë qeverinë
-
Kurti edhe 10 ditë kohë ta bëjë shumicën, PDK-ja e bindur që vendi shkon në zgjedhje
-
PDK-ja: Do të kemi zgjedhje