-
Nga:
Marigona Brahimi
- 16 prill 2026 17:45
- Shpërndaje në:
Ministri i Jashtëm i Kosovës, Glauk Konjufca, ka kritikuar ish-emisarin e Bashkimit Evropian për dialogun Kosovë – Serbi, Miroslav Lajçak, duke thënë se ai ia ka vendosur Kosovës kushtin e themelimit të Asociacionit të komunave me shumicë serbe për anëtarësim në Këshill të Evropës.
“Mendoj se ne na ka mbetur diçka peng, një gjë e vendosur nga një person i cili në mënyrë të palavdishme dha dorëheqje, z. Lajçak. Ai na ka pas vendosur në shpinë diçka që ne nuk na takon...Në Këshill të Evropës s’ka pasur konditë që me themelu Asociacionin, këtë na e ka qitur në shpinë Lajçaku në mënyrë jomeritore për të mos thënë të pandershme, edhe këtë term bën ta përdorim në rastin e tij. A hiqet kjo? Duhet të na ndihmojnë miqtë tanë për ta hequr. Se vetëm një konditë elementare ka qenë për anëtarësim në Këshillin e Evropës, ka qenë çështja e Manastirit të Deçanit”, tha Konjufca në konferencë për media, pas takimit në Prishtinë me homologun belg Maxime Prevot.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLajçak dha dorëheqje nga pozita e këshilltarit të kryeministrit të Sllovakisë, Robert Fico, pasi emri i tij u përmend në dosjen e të dënuarit për krime seksuale me të mitura, Jeffrey Epstein.
Diplomati sllovak kishte qenë emisar i BE-së për dialogun Kosovë – Serbi nga prilli i vitit 2020 deri në fund të janarit të vitit 2025.
Në vend të tij më 1 shkurt të vitit të kaluar pozitën e emisarit e mori diplomati danez Peter Sorensen.