-
Nga:
Saranda Ramaj
- 18 maj 2022 10:41
- Shpërndaje në:
Ka dhënë dorëheqje Bordi për trajtim jashtë institucioneve shëndetësore publike në kuadër të Ministrisë së Shëndetësisë, ka mësuar KOHA.
Siç bëhet e ditur, kryesuesja e bordit, Kadrije Sherifi, dhe anëtarët e bordit, Arben Grazhdani, Vildane Goga, Fakete Haziri dhe Semra Mecihan të martën kanë dorëzuar dorëheqjen. Mësohet se bordi në dorëheqje ka shprehur ankesa për drejtorin e Fondit të Sigurimeve Shëndetësore, Fatmir Plakiqi. Është ankuar për presion.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVetë Plakiqi ka thënë se s’është në njohuri për dorëheqjen e bordit ndërsa ka mohuar problemet e mundshme mes palëve. Ka thënë se kompetencat e tyre janë të ndara.
Anëtari i bordit, Arben Grazhdani, ka refuzuar të japë detaje për dorëheqjen vetëm se e ka konfirmuar largimin.
Ky bord ka për detyrë miratimin e pagesave për trajtim jashtë vendit dhe jashtë institucioneve shëndetësore publike. Përbëhet nga njerëz të deleguar. Janë emëruar në kohën kur ministër i Shëndetësisë ishte Arben Vitia.
KOHA ka disa javë që raporton për problemet që lidhen me Fondin e Sigurimeve Shëndetësore.
LEXO EDHE:
Sigurimet shëndetësore ende larg, 600 mijë euro qira
Borxhi i spitaleve private ndaj FSSH-së, së paku 1.3 milionë euro
Latifi u takua me përfaqësuesit e kompanisë që dyshohet se jashtëligjshëm “rekruton” pacientë
Kryesuesja e bordit dhe sekretari i Ministrisë së Shëndetësisë kanë qenë të paqasshëm në thirrjet e KOHËS të mërkurën në mëngjes.