-
Nga:
Nexhat Tovërlani
- 8 mars 2023 19:49
- Shpërndaje në:
Inspektorati në Podujevë gjatë kontrolleve në disa biznese në këtë komunë ka gjetur se 6 prej tyre nuk janë të regjistruara, 27 të tjera nuk e kanë vendosur orarin e punës dhe 31 nuk e kanë vendosur çmimoren.
Sipas një njoftimi të Zyrës për Marrëdhënie me publikun dhe informim, tek 73 biznese nuk është gjetur ndonjë parregullsi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Drejtoria e Inspeksionit ka përfunduar aksionin e kontrolleve në kafiteri, fastfood dhe restorante të ndryshme të qytetit dhe në fshatra për të siguruar që të gjitha bizneset respektojnë rregulloret e punës. Gjatë këtij aksioni janë kontrolluar 126 biznese, ku janë verifikuar se a janë të regjistuara bizneset, a është i vendosur orari i punës së tyre si dhe çmimorja e produkeve që shërbehen në këto biznese”, thuhet tutje në njoftim. “Nga 126 biznese të kontrolluara janë evidentuar 6 biznese të paregjistruara, ndërsa nga 120 biznese të regjisturara 27 nga këto nuk e kanë të vendosur orarin e punës, 31 prej tyre nuk e kanë të vendosur çmimoren e produkteve që këto biznese shërbejnë. Ndërsa nga të gjitha bizneset 73 prej tyre janë të regjistruara si biznese, kanë të vendosur orarin e punës dhe çmimoret, pra nuk është gjetur ndonjë parregullsi”.
Sipas njoftimit, Drejtoria e Inspeksionit do të vazhdojë me kontrolle të tilla, ndërsa qytetarët janë ftuar që për çdo parregullsi të adresojnë ankesat në Drejtorinë e Inspeksionit.