Prokuroria Themelore në Mitrovicë, ka njoftuar se dy persona janë dërguar në mbajtje për 48 orë për sulmin ndaj zëvendësministrit të Financave, Hysni Mehani i cili është edhe kryetar i qendrës së Lëvizjes Vetëvendosje në Skenderaj dhe aktivistit Bahri Zabeli.
Por, sipas njoftimit të Prokurorisë, kryetari i Komunës së Skenderajt, Sami Lushtaku, nuk i është përgjigjur ftesës për intervistim. Në cilësinë e viktimave sipas njoftimit janë intervistuar Mehani dhe Zabeli. Gjithashtu janë intervistuar edhe pesë dëshmitarë.
“Po ashtu, janë intervistuar në cilësinë e viktimave H.M., dhe B.Z., pesë (5) dëshmitarë si dhe dy (2) të dyshuar me iniciale E.L., dhe B.N., të cilët me vendim të prokurorit janë dërguar në mbajtje për dyzetë e tetë (48) orë, me dyshimin për kryerjen e veprës penale “Lëndimi i lehtë trupor”. Ndërkaq, dy (2) të dyshuar tjerë për këtë rast me iniciale S.L., dhe K.H., deri në këto momente nuk i janë përgjigjur ftesës për intervistim”, thuhet në njoftimin e Prokurorisë Themelore në Mitrovicë.
Mehani, Zabeli e edhe Vetëvendosja, kanë thënë se sulmi është kryer nga kryetari i Skenderajt Sami Lushtaku dhe truprojat e tij.
Mirëpo, Lushtaku përmes një postimi në Facebook, e ka mohuar se e ka kryer vetë sulmin.
Mehani i VV-së u rrah në Skenderaj, Lushtaku thotë se qytetarët reaguan pas etiketimit ‘Sami Serbia’
Kryetari i degës së Lëvizjes Vetëvendosje (LVV) në Skenderaj, Hysni Mehani dhe aktivisti Bahri Zabeli kanë...-
Mehanin e liron spitali, Lushtakun Policia
-
Lushtaku pas intervistimit: Krejt kjo është politike, Albin Kurti po do të viktimizohet
-
Lirohen dy të dyshuarit për sulmin ndaj Mehanit në Skenderaj
-
Lushtaku mbërrin në Stacionin Policor, do të intervistohet për sulmin ndaj Mehanit
-
Mehani: Lushtaku më sulmoi pas ankesave të mia për keqpërdorime milionëshe