Dështon zgjedhja e kryesuesit të Këshillit Gjyqësor, shkak mungesa e kuorumit

Në mungesë të kuorumit ka dështuar të mbahet mbledhja në të cilën pritej të zgjidhej kryesuesi i ri i Këshillit Gjyqësor të Kosovës.

Në fillimin të mbledhjes zëvendëskryesuesja e KGJK-së, Arjeta Sadiku tha se mbledhja e sotme nuk mund të mbahet për shkak që anëtari Ahmet Imami, përmes e-mailit ka njoftuar se nuk mund të marrë pjesë në mbledhje për arsye shëndetësore, gjë që pamundësoi kourumin.

Besnik Bislimaj dhe Rrustem Thaqi janë kandidatë për pozitën e kryesuesit të Këshillit Gjyqësor të Kosovës.

Këshilli Gjyqësor i Kosovës (KGJK) më 12 mars shpalli konkurs për kryesues të ri, i cili ishte i hapur deri më 26 mars 2026.

Dy gjyqtarët që po kandidojnë për këtë pozitë janë anëtarë të këtij institucioni.