Komisioni Qendror i Zgjedhjeve ka certifikuar rezultatin e zgjedhjeve të 7 qershorit, duke i hapur rrugë formimit të institucioneve. Pas certifikimit, Kuvendi duhet të mblidhet brenda 30 ditësh për seancën konstituive.
Në zgjedhjet e 7 qershorit, Lëvizja Vetëvendosje siguroi 53 ulëse në Kuvend me 47.13 për qind të votave.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPartia Demokratike e Kosovës doli e dyta me 22 ulëse apo 19.44 për qind
Lidhja Demokratike e Kosovës ka marrë 18 ulëse me 16.69 për qind, ndërsa Aleanca për Ardhmërinë e Kosovës ka marrë shtatë ulëse me 6.74 për qind.
Kushtetuta parasheh që pas certifikimit, seanca konstituive duhet të mbahet brenda 30 ditësh. Aty duhet të zgjidhet kryetari i Kuvendit dhe nënkryetarët, e më pas mund të vazhdohet me procedura për formim të Qeverisë dhe zgjedhjes së presidentit. E politikanë dhe njohës të çështjeve ligjore kanë dhënë interpretime të ndryshme se si duhet të vazhdohet – fillimisht me presidentin apo me Qeverinë.
Seanca konstituive duhet të thirret nga ushtruesja e detyrës së presidentit, Albulena Haxhiu. Sipas Eugen Cakollit nga Instituti Demokratik i Kosovës, afati nis të rrjedhë prej nesër (9 korrik) dhe përfundon më 7 gusht. Nëse seanca nuk ftohet Kuvendi mblidhet vetë në ditën e fundit.
Haxhiu si kryeparlamentare e legjislaturës së shkuar duhet të thërrasë mbledhjen përgatitore me kryetarët e 15 subjekteve politike që kanë fituar ulëse. Aty përgatitet rendi i ditës.
Seanca konstituive drejtohet nga deputeti më i moshuar, i ndihmuar nga më i riu.
Në seancën konstituive, kryeparlamentari propozohet nga VV-ja si subjekti më i madh. Nëse i merr 61 vota, kryetari zgjidhet. Pas tij duhet të zgjidhen pesë nënkryetarët. Kuvendi konsiderohet i konstituuar vetëm pasi të jenë zgjedhurk kryetari dhe të pesë nënkryetarët.
Në mbledhjen e KQZ-së, rezultatet u certifikuan me votë unanime. Nga lista e deputetëve, Ardian Gjini dhe Daut Haradinaj të AAK-së hoqën dorë nga ulëset. Ata do të zëvendësohen nga Bekë Berisha e Burim Ramadani.