Në një debat në “60 Minuta”, Blakaj u shpreh se Gjykata Kushtetuese po tregon se është argatë e opozitës.
Ajo nuk u pajtua as me vendimin e Gjykatës Supreme e cila konstatoi se ministrat në detyrë nuk mund të ushtrojnë edhe postin e deputetit.
“Supremja ka thënë që Qeveria në detyrë nuk mund të nxjerrë akte nënligjore, por në Ligjin për Qeverinë kjo nuk përmendet askund. Me këtë vendim, Supremja e ka dëmtuar vetë shtetin”, ka thënë Blakaj.
Por Naim Jakaj, hulumtues në IKD, e cilësoi këtë qasje si tentim për të denigruar sistemin e drejtësisë.
“Ky është qëllimi, me denigru sistemin e drejtësisë. Populli nuk iu ka dhënë këtë të drejtë. Kryeministri dhe ministrat duhet ta kenë të qartë përgjegjësinë e tyre”, u shpreh Jakaj.
Emisioni i plotë: