Mbrojtësi francez i Bayern Munichut, Sacha Boey, ishte duke udhëtuar rrugëve të Parisit të mërkurën mbrëma, kur Paris Saint-Germaini e siguroi avancimin në finale të Ligës së Kampionëve.
Rrugët e Parisit ishin mbushur plot me njerëz, të cilët kishin dalë për ta festuar këtë sukses.
Por, është raportuar edhe për shumë përleshje e trazira tjera në qytet.
Ndërkohë, francezi Boey u përball me një situatë tjetër. Iu vodh kapela teksa ishte në makinë, por çatia e makinës së tij ishte e hapur.
Kjo bëri që një person nga prapa ta kapë kapelën e mbrojtësit të Bayernit dhe të largohej.
24-vjeçari është futbollist i Bayernit prej vitit 2024, ndërsa ka kontratë deri në vitin 2028.
Ai është zhvilluar si futbollist te Rennesi, ndërsa karrierë ka bërë edhe te Reimsi, Dijoni e Galatasaray.
Ai ka luajtur në 16 ndeshje në të gjitha garat e edicionit aktual dhe ka kontribuuar me dy asistime.
VIDEO:
Le footballeur SACHA BOEY s’est fait VOLER SA CASQUETTE lors dès festivités des parisiens. 🚫🧢 pic.twitter.com/gySx7i0tnf
