Nën drejtimin e holandezit Erik ten Hag, Manchester Unitedi e fitoi Kupën FA në edicionin e kaluar.
Me trajnerin portugez, Ruben Amorim, Unitedi shpreson që ta përsërisë suksesin e edicionit të kaluar në këtë garë.
Manchester Unitedi megjithatë do të kenë punë të vështirë ndaj Fulhamit.
“Djajtë e kuq” të dielën nga ora 17:30 e presin Fulhamin në kuadër të raundit të pestë të Kupës FA.
Unitedi në raundin e katërt e eliminoi Leicester Cityn duke e mposhtur me rezultatin 2:1, falë një goli shumë të dyshimtë.
Edhe
Derbi i Manchesterit në Premier League
Golin e fitores e pati shënuar mbrojtësi Harry Maguire, por në momentin e golit ai ishte dukshëm në pozitë jashtë loje.
Deri më tani ndeshjet në FA Cup janë zhvilluar pa VAR.
Nga raundi i pestë do të përdoret sistemi VAR.
Fulhami në raundin e katërt e eliminoi Wigan Athleticun, që bënë gara në kategorinë e tretë angleze.
Fulhami qëndron më mirë se Unitedi me rezultate këtë edicion në Premier League.
Edhe
Manchester City fiton trofeun e tetë në Kupën FA
Fulhami pas 27 ndeshjeve të zhvilluara ka 11 fitore, nëntë barazime dhe shtatë disfata. Renditet në pozitën e nëntë me 42 pikë.
Unitedi ka nëntë fitore, gjashtë barazime dhe 12 humbje. E zë vendin e 14-të me 33 pikë.
Kampioni në fuqi i Anglisë, Manchester City, të shtunën nga ora 18:45 e pret skuadrën që bënë gara në kategorinë e dytë, Plymouth.
Plymouthi ka qenë skuadra që ka befasuar në Kupën FA.
Edhe
City kërkon tjetër trofe, Chelsea shpëtimin e edicionit
Në raundin e katërt e eliminoi Liverpoolin.
Të dielën nga ora 14:45 luhet ndeshja ndërmjet Newcastle Unitedit dhe Brightonit.
