Fisnik Asllani, Leon Avdullahu dhe Albian Hajdari me Hoffenheimin kanë shënuar tjetër fitore në Bundesligën gjermane.
Hoffenheimi të shtunën mbrëma e mposhti në udhëtim Eintracht Frankfurtin me rezultatin 3:1. Ndeshja ishte e vlefshme për xhiron e 19-të.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVendësit kaluan në epërsi në minutën e 18-të me golin që e shënoi Arnaud Kalimuendo.
Hoffenheimi shifrat në 1:1 i barazoi në minutën e 52-të. Autor i golit ishte Max Moerstedt.
Tetë minuta më pas, Ozan Kabak, e realizoi golin e epërsisë 2:1. Ndërsa Aurele Amenda në minutën e 65-të shënoi autogol për rezultatin përfundimtar 3:1.
Mbrojtësi Hajdari dhe mesfushori Avdullahu e kompletuan ndeshjen. Ndërkohë sulmuesi Asllani luajti deri në minutën e 92-të. Të tre futbollistët e Kosovës kishin paraqitje solide.
Hoffenheimi ka 36 pikë dhe është lartë në tabelë. Frankfurti po ashtu është në pjesën e epërme me 27 pikë.
Për Hoffenheimin ishte fitorja e tretë radhazi në kampionat.