Antonin Kinsky ka bërë një superpritje në fund të ndeshjes, duke i siguruar Tottenhamit tre pikë në udhëtimin te Wolvesi, një muaj e gjysmë nga paraqitja ndaj Atleticos ku portieri çek u zëvendësua pas 17 minutash lojë.
Tottenami po lufton për mbijetesë dhe arriti fitore të vështirë 1:0 në udhëtim te Wolvesi, që tashmë është i rënë në Championship.
Mesfushori portugez Joao Palhinha shënoi në minutën e 82-të.
Më pas në minutat shtesë, portieri Kinsky bëri një pritje spektakolare pas goditjes nga gjuajtja e lirë të mesfushorit të Wolvesit, Joao Gomes.
VIDEO:
Kinsky pulls off a stunning world-class save, an incredible, heroic moment to keep Tottenham in it. pic.twitter.com/rZH9YD2smQ https://t.co/4g4WN1r1S5
— Dr Sneaker Nyame (@_sneakernyame) April 25, 2026
Paraqitja e 23-vjeçarit ndodh një muaj e gjysmë pasi në ndeshjen ku Tottenhami u eliminua nga Atletico, e vlefshme për 1/8 e finales të Ligës së Kampionëve, Kinsky pati paraqitje katastrofike. U zëvendësua pas 17 minutash pasi gaboi në tre golat që Atletico i shënoi në minutat 6’ 14’ dhe 15’.
Edhe
Reagime të shumta pas zëvendësimit të portierit të ri në minutën e 17-të
Pavarësisht fitores, Tottenhami mbetet në vendin e 18-të, pozitë që dërgon në kategorinë e dytë.
Megjithatë, i është afruar West Hamit në dy pikë. West Hami është i 17-të me 34 pikë, në pozitën e fundit që siguron mbijetesën.
