Kylian Mbappe do të jetë njëri prej emrave më të mëdhenj në La Liga për edicionin e ardhshëm, pasi më në fund u zyrtarizua si futbollist i Real Madridit.
Por, ai nuk do të jetë në krye të listës së lojtarëve më të paguar në elitën spanjolle.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKapiteni i Francës u prezantua në stadiumin e stërmbushur në “Bernabeu”.
U transferua nga Paris Saint-Germaini si futbollist i lirë.
Ai i kreu testet mjekësore të martën pas përfundimit të “Euro 2024”. Me Francën shkoi deri në gjysmëfinale të Evropianit, por u eliminua nga Spanja, 2:1.
Sipas “The Sun”, Mbappe do të jetë futbollisti me më së shumti përfitime në klub, por jo edhe në gjithë ligën.
Sipas këtij mediumi, mesfushori i Barcelonës, Frenkie de Jong, për të cilin u fol se mund t’i bashkohet Manchester Unitedit, merr pagë vjetore prej afro 38 milionë eurove.
I dyti në këtë listë është Robert Lewandowski, futbollisti tjetër i Barcelonës, që raportohet se përfiton afro 34 milionë euro në sezon.
Dhe i treti në listë është raportuar se është Mbappe, me pagë vjetore prej afro 32 milionë eurove.