Futbollisti i Ekuadorit, Marco Angulo ka vdekur në moshën 22-vjeçare, një muaj pasi pësoi lëndime të rënda në një aksident me veturë. Këtë e bëri të ditur Federata e Ekuadorit, të martën.
Angulo ishte i përfshirë në një aksident trafiku më 7 tetor, në të cilin vdiq Roberto Cabezes, ish-bashkëlojtar i tij në gjeneratat e reja.
Angulo kishte pësuar lëndime në kokë dhe vdiq në një spital në Quito, në natën mes të hënës e të martës. Për një javë ishte në kujdes intenziv.
Angulo në vitin 2022 kishte debutuar për Ekuadorin dhe i kishte dy ndeshje të luajtura.
