Pas disfatës 5:0 nga Gjermania, futbollistet e grupmoshës U19 të Kosovës janë mposhtur edhe në duelin e dytë të Grupit A1.
“Dardanet” e reja të shtunën humbën 2:0 nga Danimarka U19.
Edhe ky ballafaqim i takoi kualifikimeve për Kampionatin Evropian të vitit të ardhshëm.
Liza Hoxha shënoi autogol në minutën e 33-të, ndërsa Therese Vestermark e vendosi rezultatin përfundimtar me golin e minutës së parë të kohës shtesë.
Kosova U19 më 3 dhjetor e luan ndeshjen e fundit të këtij cikli kualifikues.
Ballafaqohet me Greqinë.
Kosova aktualisht është e fundit në grup.
Ekipet e shtatë grupeve që përfundojnë në vendin e katërt do të paraqiten në raundin e dytë të Ligës B.
Vendi i parë, dytë dhe i tretë, vazhdojnë në raundin e dytë të Ligës A.
