Futbollistët e Kosovë U19 do të përballen me Turqinë, Armeninë dhe Gjibraltarin në kualifikimet për Evropianin 2027 që mbahet në Çeki.
Shorti është tërhequr të mërkurën në selinë e UEFA-s në Nyon të Zvicrës. Kosova është në grupin 2 të Ligës B.
Ndeshjet e grupit të Kosovës do të zhvillohen në Turqi më 24, 27 dhe 30 mars. Fituesi i grupit kalon në Ligën A dhe vazhdon kualifikimet për Evropian. Ndeshjet e Ligës A luhen në vjeshtën e vitit të ardhshëm.
Ndërkohë, kundërshtarët për dy cikle kualifikuese i kanë mësuar edhe futbollistët e grupmoshës U17 të Kosovës.
Kosova U17 në raundin e dytë të ciklit kualifikues për edicionin 2025/2026 do të përballet në grupin 7të Ligës B me Holandën dhe Bjellorusinë. Nikoqire e turneut është Holanda.
Ndeshjet luhen në mars.
Për edicionin 2026/2027, gjenerata e ardhshme e U17 të Kosovës do të ketë punë me Belgjikën, Kroacinë dhe Letoninë. Kosova është në grupin 12, ndërsa turneu zhvillohet në Kroaci në nëntor të vitit të ardhshëm.
14 ftuesit e grupeve dhe 14 vendet e dyta kualifikohen në raundin e dytë në Ligën A.